我遇到美容鴨，真係好靚仔我地仲開左房...

美容雞就聽得多，我居然遇到美容鴨小妹我單身三年，

最近有個男仔，上網識嘅，約左我出黎食飯，見到佢真人好靚仔，真係好靚仔！有Ｄ似ＧＤ

又高大又白又滑成個OPPA甘甘我地係尖沙咀一間高級餐廳食野，

果刻我覺得自己好似公主一樣，佢好有風度，又幫我拉椅，搞到我心花怒放！

佢仲教我飲紅酒

之後食完野，佢就話同我去做飛so,,,,然後我就跟左佢上Nxx sxxx lxx（美容店），

之後佢就開始講自己家姐又成日講女人唔keep唔得呀，又話試左好多間美容院呢間最好呀，

又講到自己咁多年黎都一支公上去做呀，又點又點，一上到去就入左房，然後就話自己係呢度vip,,,

有房坐，後尾個顧問就入左黎話我d皮膚好乾又點又話我本來好靚又唔理佢搞到咁就開左個三千幾蚊既療程比我，

然後又話呢d係最靚最岩我用，ok咁我咪試下囉，點知同出面幾百蚊個d差唔多，

幫我做個個又問我人工幾多呀？有冇信用卡個d，做完之後又話真係靚左好多架，

做完出黎我以為走得，點知又入左房，問我做成點呀，靚左好多喎，之後就開始sell,,,

我一開始已經話依家無錢，下次先，佢就一直話比住訂金先囉，

我話真係無錢，後尾又話比訂住金我送優惠比你喎，又死sell,,,,

之後又我話幫我申請aeon分期，我心諗咪傻啦，又約我過幾日上去比資料佢幫我申請，
幾日後我當然無再上去啦，但係GD亦無再搵我了，仲Block我whatsapp...連張Profile pic都無埋

經過今次教訓大家真係唔好亂咁中伏。